SRH ઈતિહાસ રચવાથી માત્ર એક ડગલું દૂર, PBKS અને GTની કરી બરાબરી

ઈન્ડિયન પ્રીમિયર લીગની 19મી સીઝનની 49મી લીગ મેચ હૈદરાબાદના રાજીવ ગાંધી ઈન્ટરનેશનલ ક્રિકેટ સ્ટેડિયમ ખાતે સનરાઈઝર્સ હૈદરાબાદ અને પંજાબ કિંગ્સ વચ્ચે રમાઈ રહી છે. આ મેચમાં ટોસ હાર્યા બાદ SRH પહેલા બેટિંગ કરવા આવ્યું અને ઈશાન કિશન અને હેનરિક ક્લાસેનની શાનદાર અડધી સદીની ઈનિંગના આધારે 20 ઓવરમાં 235 રન બનાવવામાં સફળ રહ્યું.

આ સિઝનમાં સનરાઈઝર્સ હૈદરાબાદ ટીમના બેટ્સમેનોએ જબરદસ્ત ફોર્મ જોયું છે, જેમાં અભિષેક શર્મા, ટ્રેવિસ હેડ, ઈશાન કિશન અને હેનરિક ક્લાસેનના નામનો સમાવેશ થાય છે, જેના આધારે SRH ટીમ હવે ઈતિહાસ રચવાથી માત્ર એક ડગલું દૂર છે.

હૈદરાબાદ આ મામલે ઈતિહાસ રચવાથી એક ડગલું દૂર

સનરાઈઝર્સ હૈદરાબાદ હવે ઈન્ડિયન પ્રીમિયર લીગની એક જ સિઝનમાં સૌથી વધુ 200 કે તેથી વધુ રન બનાવવાના મામલામાં પંજાબ કિંગ્સ અને ગુજરાત ટાઈટન્સની બરાબરી કરી ચૂક્યું છે. સનરાઈઝર્સ હૈદરાબાદ IPL 2026 સીઝનમાં 8મી વખત 200 રનનો આંકડો પાર કરી ચૂક્યું છે.

પંજાબ કિંગ્સ અને ગુજરાત ટાઈટન્સ બંનેએ 2025 IPL સીઝનમાં 8-8 વખત 200 કે તેથી વધુ રન બનાવ્યા હતા. તેથી જો સનરાઈઝર્સ હૈદરાબાદ તેમની આગામી મેચમાં 200 કે તેથી વધુ રન બનાવવામાં સફળ થાય છે, તો તેઓ એક જ IPL સીઝનમાં સૌથી વધુ 200 કે તેથી વધુ રન બનાવનારી ટીમ બનશે.

IPL સિઝનમાં 200 કે તેથી વધુ રન બનાવનાર ટીમો

સનરાઈઝર્સ હૈદરાબાદ – 8 વખત (2026)

પંજાબ કિંગ્સ - 8 વખત (2025)

ગુજરાત ટાઇટન્સ – 8 વખત (2025)

આ મામલે SRH એ મુંબઈ ઈન્ડિયન્સની કરી બરાબરી

સનરાઈઝર્સ હૈદરાબાદે IPLમાં કોઈ ટીમ સામે સતત 200 કે તેથી વધુ રન બનાવવાના મુંબઈ ઈન્ડિયન્સના રેકોર્ડની બરાબરી કરી છે. IPLના ઈતિહાસમાં મુંબઈ ઈન્ડિયન્સે દિલ્હી કેપિટલ્સ સામે 8 વખત 200 થી વધુ રન બનાવ્યા છે, જ્યારે સનરાઇઝર્સ હૈદરાબાદે પંજાબ કિંગ્સ સામે આઠમી વખત આ સિદ્ધિ હાંસલ કરી છે.

આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?